| పల్లవి: |
| అపరాధిని యేసయ్యా కృప జూపి బ్రోవుమయ్యా (2X) |
| నెపమెంచకయె నీ కృపలో- నపరాధములను క్షమించు (2X) |
| 1. |
| సిలువకు నిను నే గొట్టి తులువాలతొ జేరితిని (2X) |
| కలుషంబులను మోపితిని-దోషుండ నేను ప్రభువా (2X) |
| 2. |
| ప్రక్కలో బల్లెపుపోటు-గ్రక్కున పొడచితి నేనే (2X) |
| మిక్కిలి బాధించితిని-మక్కువ జూపితివయ్యా (2X) |
| 3. |
| ముళ్ళతో కిరీటంబు-నల్లీ నీ శిరమున నిడితి (2X) |
| నా వల్ల నేరమాయే-చల్లని దయగల తండ్రి (2X) |
| 4. |
| దాహంబు గొనగా చేదు చిరకను ద్రావ నిడితి (2X) |
| ద్రోహుండనై జేసితిని దేహంబు గాయంబులను (2X) |
| 5. |
| ఘోరంబుగా దూరితిని నేరంబులను జేసితిని (2X) |
| కృూరుండనై గొట్టితిని ఘోరంపు పాపిని దేవా (2X) |
| 6. |
| చిందితి రక్తము నాకై పొందిన దెబ్బల చేత (2X) |
| అపనిందలు మోపితినయ్యా సందేహమేలనయ్యా (2X) |
| 7. |
| శిక్షకు పాత్రుడనయ్యా రక్షణ దెచ్చితివయ్యా (2X) |
| అక్షయ భాగ్యము నియ్య మోక్షంబు జూపితివయ్యా (2X) |